Sendin comemorou onte ls 20 anhos zde que se tornou Bila. Nun somos muito d’acordo cun l modo cumo se comemora l die de la Bila , mas hai ua tradiçon de comemorar ls anhos ciertos de un modo difrente i nun mos pareciu ser l’anho de acabar cun este modo de la comemorar, mas hai que pensar an poupar denheiro.
La fanfarra animou la Bila
L camboio de la cámara animou pequeinhos i grandes
Tamien nun serie l momento próprio para acabar, porque l ser Bila, nada ten a ber cun la fuson de las scuolas. Hai quien querga meter todo ne l mesmo saco, mas solo para arranjar cunfusones, que para dar la cara naide ls bei. Tenemos que star unidos para lutar por Sendin i muitas mais lutas haberá que trabar, estas dues fúrun amportantes, mas tenemos que fazer ua cun todo mundo.
L quartel de la GNR fui melhorado i las obras einouguradas
Cumo pouca giente tenerá ganas de ber fiesta quando l momento ye de tristeza, pongo apenas estes retratos para que algo quede eiqui de ls 20 anhos de Bila. La bigilia tamien fui amportante, Sendin yá ampeça a ser eisemplo pul país. Ls berdadeiros sendineses, stan cun todas las formas de luta.
La bigilia ne l die de la Bila
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
