Mais ua einiciatiba de la Cooperatiba para preserbar l que se puode, inda que acontra ls que nada quíeren ou que se bénden por ls sous partidos. Estes, si que stan atentos. Las jornadas tenerán dues partes, ua para ansinar a probar ls binos i l'azeite i outra para ansinar ls melhores modos de fazer agricultura.
Fúrun feitos binos de las nuossas castas tradicionales, ne l Centro de Studos de la Régua, para ber las que melhores binos fázen, será tamien amportante la amostra desses resultados, que se fazerá ne l Sábado a la tarde na Cooperatiba. Apuis bos daremos mais anformaçones de todo. L HOIJE ye cada beç mais un sitio de refrencia para ls que gústan mais de saber de nuobas i de l bien de l Praino, que de partidarite barata, que solo cria ódio antre las pessonas.
