L purmeiro die de las jornadas de olibicultura i vinicultura que se stan a fazer an Sendin fui dedicado a la proba de binos i azeite. Por la manhana houbo ua proba de binos de las castas brancas i al inicio de la tarde de las castas tintas. Ls binos fúrun de las ubas de l campo sprimental de la Cooperatriba.
Nas brancas fúrun probados uito binos i fui mui agradáble ber que la nuossa region ye ua de las melhores regiones de Pertual para porduzir binos brancos. Quanto als tintos podemos tamien quedar cuntentos porque las nuossas castas tamien dan buonos binos, mas l percipal fui ber que tenemos todas las cundiçones para alguas castas de outras regiones podéren produzir eiqui buonos binos cumo ye l caso de la touriga nacional.
Mas la proba de binos fui tamien amportante para ansinar un grupo de biticultores a probar ls binos utilizando ls métodos mais andicados para sabéren çtinguir l aroma i l paladar de ls binos de las bárias castas. Para esso muito cuntribuiu l angº. Sampaio de la Direçon Regional de Agricultura i de la Einóloga de la Cooperatiba, angª. Ana.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
