Hoije fumos ber las obras de lIC5 alredor de Sendin i bimos que por todo lado las máquinas ban acabando culs campos (las tierras mais prainas de Sendin), la maior prainada de tierra del termo yá nun eisiste, solo queda pouco mais de la metade. La strada percipal, las salidas i ls atrabessadeiros tomórun cunta de ls campos.
Mas l porgresso ten ls sous custos i la bida ye mesmo assi, para que algo naça, quaije siempre algo ten que morrer. Ls acessos al IC5 ban a quedar junto a la staçon i la strada que bai para Atanor bai a passar porriba de l IC5. Mas na Mina, quedará un pequeinho biaduto para passar para Penhas Negras.
Mas melhor que las palabras son la eimages i ls retratos que tiremos hoije amóstran las obras. Sendin bai a tener por delantre un zafio mui grande, que ye saber aporbeitar l que de buono puode traer l IC5, mas nun squecendo que muito hai a fazer para nun quedarmos amparedados antre l IC5 i l riu Douro. Hai que saber prebenir l feturo.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
