LEGADO DO Pe. MOURINHO
L Pe. Mourinho deixou ls sous trabalhos de pesquisa subre la cultura i la tradiçon mirandesas a la Câmara de Miranda del Douro, mas squeciu-se que la Câmara ye ua anstituiçon politica i que anda cunsante quien stá a gobernar i sabemos bien que nien todos ls que se candidátan a las Câmaras ténen grande senseblidade para las cousas de la cultura. L resultado fui que pouco se amportórun cun todo l spólio que l Pe. Mourinho deixou i muito se perdiu.
Fumos ber la sposiçon que stá al público na biblioteca munecipal, desso bos amostramos l bideo que fizo la LOCALVISÃO. Mas fumos ber l que hai de l spólio de l Pe. Mourinho, falta muita cousa i porque coinciemos bien l que l Pe. Mourinho tenie, podemos dezir que la recuolha fui mal feita i que muito decomiento zapareciu.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
