Para quien nun puode ir a ber, ende teneis l riu Douro, agora cun la áuga a decer por causa de las obras na central de Bemposta. Para ls nuobos ye un modo de ber cumo era antes de las barraiges i para ls bielhos ye la lembráncia d'outros tiempos.
Tamien quedais a saber que ls chamadeiros ténen rezon de ser i "Forcaleiro" ben de ser l sitio de ls fornos de la cal, mas mais amportante ye poderdes ber que inda hai ls restros de un forno i ls sitios adonde colhíen la cal. Inda hoije se podie fazer cumo la fazíen ls romanos i las geraçones que se seguírun até meados de l séclo XX.
