La XII Cuncentraçon Motard an Sendin, neste fin de sumana fui un acuntecimento que lebou l nome de Sendin a todo l Norte de Pertual i als pobos de Castilha –Leon, Spanha. Dezenas de motards benírun para stáren neste ajuntouro, que cada beç mais se bai tornando nua refréncia para ls motards.
Sábado a la tarde fui l show a que assistírun centenas de pessonas i ye deste festibal l bideo que hoije bos amostramos, mas a la nuite fui l çfile de las motas por las rues de la bila cumo podeis ber ne l bideo que stamos a cumponer para amostrar manhana. Mas tamien houbo arraial junto a la piscina i bárias outras atibidades que fazírun de Sendin, neste fin de sumana un sitio que centenas de pessonas porcurárun para passar uns dies de bacanças.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
