Sábado a la nuite Sendin assistiu al çfile de las motas que stubírun na cuncentraçon motard, fui un momento de animaçon de las percipales rues de la bila i que amostrou bien l que ls moços púoden fazer, ourganizando las cousas en lhibardade, sien apeias de ls políticos, que cúidan que solo eilhes fázen andar las cousas.
Tamien amostrórun cumo se púoden fazer eibentos i ajuntar giente, sien stáren a la spera que la câmara ou la junta le déien l denheiro que ye de todos nós. Por todo l die la bila stubo animada cun las centenas de moços i moças que de muitas tierras de Pertual i Spanha benírun a Sendin.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
