Ye ne l Berano que mais relebáncia ten todo l que a las tradiçones diç respeito, mais porque ye tiempo de bacanças i muitos de ls que stán fuora bénen a las sues tierras, muitos dízen mesmo, an beç de dezir que ban de bacanças, que ban “a la aldé“, por esso las fiestas i las associaçones apresentan i fázen muitos eibentos cun musicas tradecionales. L eibento de que onte bos amostrei l bideo, subre la segada, tubo tamien musica tradecional i stubírun alhá ls “Galandum Galundaina” ua de las melhores bandas de l Praino.
Ye dessa banda l bideo que bos amostramos hoije porque ye amportante quedardes a saber cumo essa banda ye amportante na recuolha de la musica tradecional i inda ne l que faç por lebar a todo mundo l nome de l Praino, mas tamien de Sendin i de las aldés alrededor de nós, porque la banda ye formada por moços de Fuonte Aldé i de Sendin.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
