Onte fui un die de chuba i airiçada fuorte, que fizo stragos por muito sitio, mas por Sendin passou sien dar grandes prejuízos. Yá onte habiemos falado desto, mas hoije fumos a ber se nun mos habiemos anganhado i fui anteressante l que bimos. Desso bos damos amboras, son las amboras de l HOIJE que a cada die, líeban até bós l que bai acuntecendo por Sendin i pul Praino. Quando hai tanta falta de eideias, mas se fala tanto an einobaçon, l HOIJE faç i solo fala apuis de fazer. Bamos tentando melhorar l nuosso sitio, para todos ls que bénen eiqui, téngan siempre cousas nuobas.
Gostariemos que, ls que bibis fuora de l Praino, mos mandassedes tambien amboras de l que se passa pulas tierras adonde stais, porque tamien nós gustabamos de saber l que ls sendineses i ls de las outras tierras de l Praino fázen para mantener la nuossa cultura i las tradiçones i tamien la cuntribuiçon que dan para las comunidades adonde bíben.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
