Ls pauliteiros de Palaçuolo fúrun onte a dançar a Setúbal, ne l audiório “Encontros à Margem”, nun ancontro de danças, ourganizado pula agéncia de Setúbal de la fundaçon de l INATEL i pul “Rancho Etnográfico de Danças e Cantares da Barra Cheia”. Partecipórun tamien grupos de l çtrito de Setúbal cun bariados stilos de danças.
(foto caramonico)
Hoije ampeçou la caça, mas ls caçadores pouca caça bírun, por un lado porque hai pouca i por outro porque l die fui un die d’auga. Parece que San Pedro arranjou modos de defender la caça, porque ne purmeiro die, ls caçadores i ls perros ándan mais animados.
(foto de arquivo)
L die fui d’auga i airiçada fazendo muito strago por todo lado, mas Sendin nun tubo rezon de queixa, solo alagou las baixas i tirou las fuolhas als fresnos, partindo alguns galhos i botando algues placas de l IC5 abaixo.
Tamien fui die de bola, que nun corriu mui bien para l G.D.Sendin, que perdiu cul Mirandês por 2- 0. L jogo fui defícel porque l campo staba cheno d’auga i la eiriçada nun deixaba jogar cumo serie a gusto de ls jogadores.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
