Segundo Horácio Sá, persidente de la ACISM (Associação Comercial, Industrial de Mogadouro), este anho l númaro de pedidos para partecipar na feira de ls Grazes oumentou 30%, l que amostra que la crise puode ser bencida se las pessonas respunsábles soubíren potenciar ls recursos de la sue region. Ls Grazes, este anho tenerán atibidades ne ls dies 14, 15 i 16 de Outubre, mas l die maior, feira d’anho, ye l die 15.
Nos Grazes de Mogadouro (foto de arquivo)
La AECT – Duero/Douro (Agrupación Euopea de Cooperación Territorial – Duero/Douro) cun sede na Trbanca (Espanha) bien acerquita de Sendin, abriu un porgrama de candidaturas al PRODER, a que púoden cuncorrer tamien agricultores, associaçones de agricultores i outarquies de ls dous lhados de l Douro. Para ls antressados ende teneis l link para cunsultar:
http://www.duero-douro.com/index.php?option=com_content&view=section&layout=blog&id=12&Itemid=108&lang=pt
Trabanca
Tamien decorriu an Trabanca l certame anternacional de l cabrito i durante l’eibento fui dado a coincer l porjeto que cunsante dixo José Luís Pascoal, alcalde de Trabanca, “ a partir de 2011 serán çtribuídas 150 000 cabras pula área de l AECT i ls animales funcionarán cumo un “método natural para la limpeza de las florestas i de ls campos”.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
