SEMINÁRIO APÍCOLA AN MOGADOURO
téquenico de la Associaçon de Miel
Duzientas mil colmenas anstaladas na region Norte de Pertual spéran por fondos de l PRODER, para l’oumiento de la porduçon de miel.
"Ten-se bisto l'anstalaçon de moços apicultores, na region Norte, la maiorie cun formaçon superior, dende haber un númaro crecente de sploraçones apícolas", custatou l persidente de la Federaçon Nacional de Apicultores de Pertual (FNAP), Manuel Gonçalbes.
Segundo dixo inda, l mercado Ouropeu " solo porduç 40 por ciento de l miel para sastifazer las necidades de l mercado, por outro lado l précio de l porduto ten benido a crecer".
FUTEBOL
Mais ua jornada de l campeonato çtrital de la A.F .B. i l Sendin fui a Carção ganhar por 1- 0. L Sendin, este anho ten ua buona eiquipa i todo líeba a crer que bai a quedar ne ls purmeiros lugares de l campeonato. Na purmeira jornada yá se habie bisto que la eiquipa era buona, inda que l resultado nun tenga stado d’acordo cul jogo, até porque l Sendin falhou un penalti.
PERROS I GATOS PERDIDOS, YÁ SON RECOLHIDOS AN MIRANDA
La Cámara Municipal de Miranda de l Douro ampeçou este més la recuolha de gatos i perros ancontrados na rue. Trata-se de ua medida que dá cumprimiento a la legislaçon an bigor, nomeadamente a las regras i normas de l regulamiento ne l canil antermunicipal, localizado an Bumioso, que bai serbir inda ls cunceilhos de Miranda de l Douro, Mogadouro i Bergáncia.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
