RURAL CASTANHA
Ye neste fin de sumana la fiesta de la castanha an Binhais, mais coincida pula Rural Castanha , que este anho ten la nobidade de l magusto ser l percipal de la fiesta até porque las castanhas son assadas ne l maior assador de l mundo. Tamien l bino de la Cooperatiba de Sendin stá persente assi cumo l miel de l Praino.
MUNTARIE AL COCHINO BRABO
Realizou-se an Sendin la tradecional muntarie al cochino brabo, nas arribas de l Douro, mas ls caçadores nun stában mui listos porque solo fui acaçado un cochino, inda que téngan salido mais de meia dúzie deilhes. Fui ua tarde de Outonho i las arribas amostrában bien la sequidade deste tiempo. L riu que stubo quaije sien áuga, por bias de las obras nas barraiges, stá yá ne l sou maior nible.
PARQUE NATURAL DE L DOURO ANTERNACIONAL
Ls presidentes de las câmaras de l termo de l Douro Anternacional stan preacupados cula falta de pessoal ne ls serbícios de l Parque Natural i fazírun sentir al goberno la necidade de resolber l porblema ou, l que serie l melhor, antregar a las outarquies la geston de l Parque.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
