ANTÓNIO RODRIGUES MOURINHO PUBLICA LIVRO
L sendinés António Rodrigues Mourinho, doutor i ambestigador, cun muitas obras yá publicadas, bai a fazer l lançamiento de un nuobo libro – O Santuário de Nossa Senhora do Nazo – ne l die 6 de Nobembre pulas 15h ne l Santuário de l Nazo.
MARIA DA CONCEIÇÃO GONÇALVES LOPES, PUBLICA LIBRO DE BERSOS AN MIRANDÊS
Tamien ne l die 30 de Outubre pulas 17h na Casa de l Pauliteiro, an Sendin, esta sendinesa apresentará l libro de bersos, an mirandés – Tiempo de las cereijas , que ye la sue purmeira obra i que todos speramos que seia la purmeira de outras mais, para anriquecimiento de la cultura mirandesa.
PALHESTRA SUBRE LICENCIAMIENTO I BALORIZAÇON DE PORDUTOS REGIONALES
Nua einiciatiba de la Câmara i cun l’apoio de la Corane i de l Menistério de la Agricultura , ne l die 2 de Nobembre haberá ne l mini-ouditório de l pabelhón multi-usos de la Câmara de Miranda, ua palhestra subre l licenciamiento i balorizaçon de pordutos regionales , para las pessonas anteressadas nessa atibidade.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
