6ª EIDIÇON DE LS PRÉMIOS TURISMO DE PERTUAL
Até al die 30 deste més stá abierto l cuncurso als prémios de turismo de Pertual. Ne l seguimiento de l sucesso oubtido pulas anteriores eidiçones, l Turismo de Pertual, IP lança la 6ª eidiçon de ls Prémios Turismo de Pertual, ua eniciatiba que bisa premiar nuobos porjetos de relebáncia turística que téngan cuntribuído pa la qualificaçon de l'ouferta i pa l reforço de la cumpetitebidade de l setor.
CAMARA DE MIRANDA TUBO SESSON DE TRABALHO NA COOPERATIBA RIBADOURO
La Cámara de Miranda de l Douro, representada pul presidente, Drº. Nunes i l Bice-Presidente, drº. Ilídio, stubo hoije na Cooperatiba de Sendin para ua reunion de trabalho cula direçon para quedar anformada de ls porblemas de la Cooperatiba i poder apuis, decidir nua reunion de l’eisecutibo, ls apoios a dar. Mas desta reunion quedórun yá alguas cousas buonas que debemos cunsiderar amportantes, cumo la buntade de trabalhar an cunjunto para resolber ls porblemas mais eimediatos, l mantener de las buonas relaçones i cuntinar culs trabalhos an que yá hai colaboraçon antre las dues anstituiçones.
