Éran las trés de la tarde mais ou menos quando ne l Santuário de la Naso assistimos al lançamiento de l libro “ O Santuário de Nossa Senhora do Naso ” de l drº. António Rodrigues Mourinho. Muita giente para assistir a la cerimonia, porque ye l purmeiro libro subre l santuário.
L HOIJE stubo alhá porque stá siempre adonde hai acuntecimientos amportantes para la cultura de l Praino i amboras para bos dar, i tamien porque l outor ye sendinés. Ne l Praino falamos las dues lénguas oufeciales de pertual i este libro stá screbido na pertués, mas l mirandés tamien stá ne l testo porque todo l que diga respeito a la nuossa stória, para ser berdadeiramente fiel, tenerá que tener termos an mirandés, léngua de l pobo.
Son referidas dues liendas de l santuário, ua parecida a la segunda, an mirandés, fui recolhida por nós i yá la publiquemos eiqui ne l HOIJE l die 11 de Setembre de 2010, adonde la podeis ler, bonda ir a la ambora desse die:
( noticias_titulos.asp?id=1097 ).
L libro ye eidiçon de la cunfrarie i podeis cumprá-lo na casa de l santuário, quando furdes al Naso.
L libro ten cousas amportantes subre la stória de l santuário que muita giente nun sabe i ye un trabalho amportante para quien quejir saber mais subre l Praino i la religiosidade de la sue giente.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
