La Corane apresentou an Picuote l porjeto de coordenaçon interterritorial Aldeias de Portugal , que ten la finalidade de por bias de l turismo lhebar al zambuolbimiento de las aldés. Ls Grupos de Açon Local de l Norte de Pertual, stubírun a la apresentaçon de l porjeto i manhana teneran reuniones de trabalho na casa de la música de Miranda de l Douro. Este porjeto ampeçará por ua aldé de cada cunceilho de la área de la Corane.
Picuote – Miranda de l douro
Caçareilhos – Bomioso
Montezinho – Bergáncia
Pinheirinho – Benhais
L porgrama ampeçou cun la bejita a la aldé de Picuote, animada puls gaiteiros i acabou ne l eco-museu Terra-Mater adonde se fizo la apresentaçon, ne l ouditório, apuis de béren la sposiçon de quadros subre las atibidades zambuolbidas pula Associaçon FRAUGA. Acabada la apresentaçon dórun ua pequeinha merenda cun pordutos de la tierra.
Manhana apresentaremos un pequeinho bideo subre las atibidades
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
