Grande parte de la einergie que se gasta na Pertual ye porduzida nas barraiges de l Douro Anternacional i cul acordo antre Pertual i Spanha para las trocas de einergie, somando las barraiges de todo l riu poderemos dezir que l riu y ela percipal fuonte de einergie hídrica de la Península Eibérica.
Mas Trás-ls-Montes porduz tamien einergie eiólica i la central de Lagoaça ye un de ls percipales parques de linhas de l paiç. Ampeçou yá a funcionar la linha de alta tenson antre Armamar i Lagoaça l que bai a tornar mais facele l trasporte de einergie de l Praino para l litoral. Porduzimos riqueza para todo l paiç, mas l paiç na troca que mos dá? Adondes tan ls nuossos outarcas?
RECORDAÇONES
Este ye l’ouregional de l retrato que anda por ende an muitas casas, alguas publicas, cumo un grande quadro, sien tenéren pedido para l’acopiar, mas l outor pediu-mos para ponermos esta ambora para que pul menos se saba quien la tirou. Fui l porsor Almendra i nun pénsen dezir outra cousa, porque la tie i l perro son la melhor proba de la outorie de l retrato.
La quelor de l ouregional perdiu culidade cul tiempo, mas hai cópias tiradas, hai mais de 30 anhos, que dórun ourige als quadros, que deberíen tener l nome de l’outor.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
