TRABALHADOR FERIDO NA BARRAIGE DE PICUOTE
obras na barraige
Un trabalhador de la Siemens , na barraige de Picuote, que staba a poner de pie un poste de média tenson, quedou ferido cun grabidade i tubo que ser trasportado de heilicóptro para Bergáncia. Cumo habie nubrina, nun fui possible aterrar junto a la barraige i nien ne l campo de la bola de Sendin i fui nas eiras de Prado Gaton que l heilicóptro pousou para l recolher.
MUSEU DO MARRANISMO EM CARÇÃO
Foto de: Ana Preto: Fonte de 1661 e lápide que recorda a condenação de alguém que não respeitou a Cruz de Cristo .
Carçon bai a tener ne l meio de la aldé un museu subre ls judius, que ne l séclo XVII éran la maiorie de ls que bibíen an Carçon. Sendin tubo ua ligaçon mui fuorte cun Carçon i inda hoije hai l apelido Carção an familhias de Sendin i Sendines an Carção. Durante la Anquesiçon , muitos sendineses i carçoneiros morrírun cundanados, solo por séren judius.
LEMBRÁNCIAS
Ende teneis mais dous retratos para ber se bos lembrais de cumo era l acarreijo de las ubas i cumo se cargaba ua bestia. Hoije ls asnales yá solo sírben para ls museus ou para anfeitar las casas i las degas.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
