MONCORVO – 2
Mais ua jornada de l campeonato çtrital de futebol de la A.F .B. ne campo Valentim Guerra, an Sendin, que l Moncorvo ganhou por 2- 0. L jogo fui eiquelibrado, tenendo las dues eiquipas jogado bien, mas l Moncorvo amostrou mais spriéncia i cun un golo an cada parte acabou por ganhar bien, inda que l sendin tubisse la ouportunidade de cunseguir outro resultado, se ten feito l’ampate cumo stubo mais que ua beç para acuntecer.
Quien nun marca, nun ganha i fui l que acabou por dezir l resultado final, derrota de l Sendin, mas merecie pul menos tener feito un golo. La arbitrage fui correta i ye cun agrado que bemos que ls nuobos árbitros de la A.F .B. ténen arbitrado bien nestes purmeiros jogos.
Solo fui possible colher las eimages de l fin de l jogo i son estas que bos amostramos a seguir.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
