Rializa-se ne l próssimo die 25 de Nobembre, an Miranda de l Douro, a las 13.15 ua marcha de protesto contra la Bioléncia Doméstica. La marcha ten ampeço na Praça D. João III, Rue Mouzinho de Albuquerque, Abenida Aranda del Duero, Ancho de l Moaige, Rue de la Moaige , Rue 1º de Maio, Rue 25 de Abril, Ancho de l Castielho i Rue D. Dinis.
RAÇAS DE GADO MIRANDÉS
Sendo l cunceilho rico an raças outótones, la bobina mirandesa, l'obina churra galega mirandesa, l'asinina mirandesa i l cochino bísaro “faç to l sentido apostar nua ounidade d'ambestigaçon”, diç l presidente de la Cámara , acrecentando que para qu'este porjeto tenga sucesso “ye amportante criar parceries cun anstituiçones cumo la Ounibersidade de Trás-los-Montes i Alto-Douro i l Anstituto Politécnico de Bergáncia, antre muitas outras”. Melhorar l solar de la raça bobina mirandesa de Malhadas, ye tamien ua medida para cumbater la crise na region i reforçar l'eideia que ye neçairo “rebitalizar l setor pecuairo i apoiar ls agricultores”, diç Artur Nunes.
(Câmara Municipal)
LEMBRÁNCIAS
Mais un retrato antigo que pongo eiqui para lembrar l que era i cumo ye la nuossa bila de Sendin, muitos inda se lembrarán, mas ye amportante que ls nuobos téngan tamien eideia de cumo la bida eibolui tols dies, inda que haba quien diga que todo ye eigual ou pior.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
