VIMIOSO – 2
SENDIM – 1
Mais ua jornada de l çtrital de futebol de la A.F .B. i l G.D.Sendin fui a Bomioso. Cumo ye çfrente jogar nun campo cun yerba sintética ou nun pelado mal amanhado cumo ye l campo de l Sendin. Fui un jogo agradáble de ber cun dues eiquipas cun ganas de ganhar l jogo. L Sendin fui l purmeiro a marcar i fui cun deficuldade que l Bomioso cunseguiu ganhar.
TIEMPO DE CAÇA
Stamos ne l meio de l tiempo de caça als coneilhos, liebres i perdizes, por todo lado la caça bai scasseando por bias de l pouco cuidado que las pessonas ténen cula preserbaçon de l’ambiente. Muitas bezes quier-se dezir que la culpa ye de ls caçadores, nada mais falso, porque son las sues associaçones que ban fazendo l trabalho de repoboamento de ls animales que ban zaparcendo.
La associaçon de sendin tem feito un trabalho de criaçon i bacinaçon de coneilhos, que bai dando ls sous fruitos. Fui andando pul termo que fazimos l bideo que bos amostramos i cumo podeis ber, cada caçador lebaba caça.
CAMPANHA DA AZEITONA
Stamos tamien na campanha de la azeituna i ye tiempo de l’apanhar, inda que haba falta de giente i que l précio de l azeita mal deia para ls oubreiros. Custa a antender que se páguen antre 40 i 50 euros por die de trabalho i nun haba quien trabalhe. Adonde stá la crise i l zamprego? Porqui miesmo ne ls Demingos se trabalha.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
