L jornal público stá a publicar todas las segundas feiras la “filmografie cumpleta de Michel Giacometti” i cada librico trai a acumpanhá-lo un CD que podeis cumprar al par de l jornal. Ye ua obra amportante i adonde ancuntrareis tamien grabaçones i filmages de l Praino, trabalho que fizo inda antes de l 25 de Abril i que cuntinou apuis de la reboluçon. Tamien nesse tiempo fazimos grabaçones, nun grabador de la casa de l pobo, que acabórun por ir a parar a manos que naide sabe, porque zaparecírun sien deixar rastro.
L bideo que bos amostramos fui grabado an Algoso. Esta ye ua filmage para l porgrama de la RTP , inda antes de l 25 de Abril, POVO QUE CANTA , mas hai tamien grabaçones de tiu Lérias. De Sendin nun ten muitas, por rezones que naide sabe, mas alguas haberá. Ten muita cousa grabada an mirandés, inda quando se falaba por todas las aldés i bien.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
