Tenemos un bideo de Sendin subre la niebe, mas por rezones téquenicas nun ye possible poner-lo, por esso ponemos un bideo de la SIC , que trata bien de l que fui la purmeira nebada deste Outonho. L Praino nun fui mui afetado i cumo dezimos onte, la bida deorriu cun toda la normalidade. Mas ye amportante que las pessonas se déen cunta que este anho bai a ser mais friu.
L bideo ye tambien amportante porque amostra tamien ua aldé adonde ye possible bibir l que fúrun ls tiempos de la nuossa mocidade. Son estas cousas que deberíen ser aporbeitadas para atrabeç de l turismo, dar a estas pessonas un modo de bida melhor. Será que passar uns dies de niebe junto destas pessonas, an familhia, nun será ua outra forma de turismo? Claro que ye, hai ye que saber fazer politica turística.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
