Habie ua cantiga que dezie:
L sino toca a la tardica,
Hora de reza i sauidade.
Chora la giente belhica,
Lembrando la mocidade.
Lembrar tamien ye buono i l bideo que bos pongo, retrata bien l que fúrun ls gueiteiros d’atrás, anhos 60/70, ls que beníen pul Natal i a las scapadas i que tan bien tocában.
Este nun ye de l Praino, mas tamien eiqui ls houbo cumo este i tocadores de caixa i bombo, que cumo dezie la giente, parecie que fazíen falar ls strumientos, mas na stória solo queda quien ten suorte de star ne l sitio cierto a la hora cierta, cumo estes.
Que marabilha!
