LIGAÇÃO A ZAMORA
Fermoselhe i Bemposta quíeren ua ligaçon de Zamora al IC5 pula barraige de Bemposta, mas tamien Ventuzelo quier la ligaçon por ua puonte subre l riu Douro, mas l melhor serie la ligaçon de l IC5 a la auto-strada de Zamora-Bergancia. Para fazer ua puonte, l melhor sitio serie ne l Picon de ls Arteiros an Sendin ou ne l Picon de l Diabro an Picuote, porque nun éran precisos arressaios para chegar a la puonte subre l riu. Fazer todas essas ligaçones serie l mais amportante, mas falta denheiro i buntade.
COOPERATIBA TIBADOURO
La Cooperatiba Ribadouro fizo la cena de Natal de drigentes i trabalhadores ne retourante “O Encontro” tenendo sido un buono cumbibio, nun fura Eisidro l specialista de l Praino. Este restourante, de l bino que sirbe, 95% ye de la Cooperatiba , l que faç del un de ls melhores clientes de l Praino.
JUNTA DE FREGUESIE
La Junta de Freguesie fizo la sue cena de Natal, cun ls trabalhadores de la Junta i de la câmara que stan an Sendin, la Assamblé de Freguesie, i l’eisecutibo de la câmara, ne l restourante “La tenerie”.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
