Nun adelantra querer ser sério anquanto ls políticos cuntináren a anganhar las pessonas, a tenéren todo scundido, a pensáren que sáben mais que ls outros solo porque fázen las leis ou gobérnan para ls botos. Sien que todo seia claro i traspariente, que l denheiro de todos seia para ser gasto al serbício de todos i nó para ls amigos. L Anho Nuobo ten que traer nuobas formas de trabalhar, giente cun la mente sana para fazer l bien i nó para ber se amola ls outros.
Bai a haber stágios porfissionales na adeministraçon local i Miranda fui cuntemplada cun 15. Para todos ls anteressados podeis ir al Diário da República, segunda série – nº.247 – 23 de Dezembro - despacho nº.19009/2010 – Portaria nº. 1235/2010 para saber cumo fazer i ber las bagas que hai. Ls filhos de ls associados de la Cooperatiba púoden ir alhá que seran anformados.
PARA RECORDAR
Recordar ye bibir, inda bos lhembrais destas casas?
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
