MISERICÓRDIA DE MOGADOURO
Unidade de Cuidados Continuados
lar
João Heinriques fui reconduzido para mais un mandato delantre de ls çtinos de la Misericórdia de Mogadouro.
Dous melhones d'euros fúrun ambestidos na Santa Casa de la Misericórdia de Mogadouro, ne ls radadeiros trés anhos. La maior parte fui para la remodelaçon de l lar d'idosos i la custruçon dua creche.
“L maior ambestimiento fui na remodelaçon de l'atual lar d'idosos an que se tubo un financiamiento atrabeç de l porgrama MASES i de l denheiro de la Misericórdia i de la Cámara Municipal, que quedou an 850 mil euros”. Houbo tamien “la custruçon dua nuoba creche i bárias obras noutras respuostas sociales i inda la criaçon de dues ampresas d'anserçon”, dixo l probedor.
MISERICÓRDIA DE MIRANDA DO DOURO
O provedor, à esquerda, na inauguraçaõ da Unidade de Cuidados Continuados
Foto Diário de Bragança
Tamien houbo eileiçones na Misericórdia de Miranda de l Douro i cuncorrírun dues listas, ua de la drª. Jacinta, atual presidente de la Assamblé Munecipal i outra de l atual probedor, Mário Corredeira. Quando se trabalha bien i las pessonas stan cuntentas, nun adelantra querer mudar i l probedor Mário Corredeira ganhou las eileiçones.
TRANSFORMAÇÃO DA CARNE MIRANDESA
Unidade de Transformação
Ampeça a funcionar an Janeiro l'ounidade de trasformaçon de chicha bobina de raça mirandesa, que stá a ser custruída an Bumioso. Las obras ampeçórun ne l princípio de l’anho passado i segundo l secretairo técnico de la raça, ls prazos dében ser cumpridos.
“La custruçon stá a correr bien. L mais tardar an final de Janeiro debemos tener aqueilho cuncluído” abança Fernando Sousa, splicando que “aqueilho ye de la coperatiba que compra ls animales i que son abatidos ne ls matadouros de prossimidade culs quales stan stablecidos cuntratos. Depuis las carcaças son trasportadas para aqueilha ounidade i, an funçon de la percura son balorizadas, ó an chicha, ó podendo fazer picados, anchidos, pré-cozinados, fatiados”.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
