Yá eiqui bos demos amboras, noutros anhos, de la fiesta de la Bielha de Bila Chana i tamien yá falemos de la tradiçon de l chocalheiro de Bemposta, fui onte l segudo die de l chocalheiro porque l purmeiro fui ne l die 26. Mas l melhor ye ber l bideo que ye un documentário de la fiesta. Pena que Sendin baia perdendo todas las sues tradiçones. Quando las outarquies quíeren ser las duonhas de las cousas, ye l que dá.
Figuras cumo esta aparécen tamien, an bárias localidades de l Nordeste Strasmuntano, na Lombada (Bergáncia) i na Tierra de Miranda, causos de l Bielho de Vale Porco (Mogadouro), l Farandulo de Tó (Mogadouro) la Bielha de Bila Chana (Miranda) de l Douro i l Carocho i la Sécia de Custantin (Miranda de l Douro), son inda ua rialidade de la cultura pagana de la tradiçon strasmuntana.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
