AMPRESAS DE ANSERÇON SOCIAL
La Misericórdia de Mogadouro criou dues ampresas de anserçon social para dar trabalho a pessonas necitadas i tamien para tener ua nuoba fuonte de rendimento. Son dues ampresas einobadoras (a Lavadouro e a Quinta da Avó). La purmeira, “A Lavadouro”, funciona hai dous anhos, trata toda la roupa de la Santa Casa i tubo un ambestimento de cerca de 140 mil euros. Na segunda fúrun ambestidos 160 mil euros i neilha se pordúzen muitos pordutos agrícolas para gasto de la anstituiçon.
RECUPERAÇON DE LA PARTE BIELHA DE LA BILA
Tamien an Mogadouro se bai a fazer la recuperaçon de la parte bielha de la bila, que bai a dar ua nuoba bida a las rues i a criar melhores cundiçones para ls moradores. La cámara pensa gastar mais de 4 melhones de euros, l que solo ye possible porque la situaçon financeira ye buona.
MOTOTURISMO
Le mais coincido passeio mototuristico nacional (Portugal de Lés a Lés) bai a ampeçar este anho an Mogadouro i bai até Lagoa ne l Algarbe. Será amportante para l cunceilho porque ne l purmeiro die haberá un prólogo cun la bejita a todas las 28 aldés, para dar a coincer las paisages de l Douro Anternacional i l cunceilho.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
