Ne l’ouditório de Miranda de l Douro fúrun apresentadas a partir de las 16 horas ls decumentários que Michel Giacometti grabou ne ls anhos setenta de l séclo passado, nas aldésde Paradela i San Martino. Alguas destas grabaçones fazírun parte de l porgrama “Povo que canta” que passou na telbison desse tiempo. Fui buono lembrar alguas de las pessonas que stubírun nas grabaçones, inda que algues yá nun stéien an pie de nós. Ende teneis un bideo de ua grabaçon de ls pauliteiros de San Martino.
"La bicha", an Sendin era "L'alqueire"
Neste anho en que se comemórun 20 anos de la muorte de l eitnomusicólogo, la Tradisom , en parcerie cun la RTP i l jornal Público, eidita la FILMOGRAFIA CUMPLETA DE MICHEL GIACOMETTI en 12 belumes, que son bendidos cul jornal Público nas Segundas. Esta eidiçon tubo tamien la partecipaçon de l fotógrafo Augusto Brázio. Yá eiqui habiemos falado destas grabaçones ne l die 08-12-2010.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
