La ACREFA , ls GALANDUM GALUNDAINA i la SARTIGAILHOS pelgrinos , ourganizórun mais un fin de semana cultural an Fuonte Aldé
An 1998 l Jornal de Notícias daba la ambora de l festibal Rezosa an Fuonte Aldé i ne l segundo die fui assi:
“L segundo die de festibal, manhana, ampeça a las 10.30 horas, na Scuola Purmária de Fuonte Aldé, cun ua cunfréncia subre Lhéngua Mirandesa adonde, até a las 16.30 horas, se falará, dun modo giral, de las questones relacionadas cula respetiba preserbaçon i dibulgaçon, assi cumo de l'amportança de las modas tradecionales cantadas an lhéngua mirandesa ne l cuntesto de defesa i promoçon. Seran cunfrencistas l Prof. Demingos Raposo, Júlio Meirinhos, Francisco Prada i Mário Correia.”
Este anho ls cunfrencistas fúrun:
-Francisco Manuel Esteves, licenciado an ciências ampresariales área financeira i pós-graduaçon en higiene, salude i sigurança ne l trabalho, que falou subre las potencialidades gastronómicas i turísticas de l cunceilho de Miranda de l Douro i subre la cerbeija artesanal Sarti .
-Jorge dos Santos Rodrigues Fernandes, licenciado en angenharie agrícola i frequência de mestrado en Zambuolbimiento rural, que falou apicultura i mel biológico .
-António Afonso Pimentel, licenciado en beterinária, secretário tequenico de l lobro genealógico de la raça bobina mirandesa, que falou subre raça bobina mirandesa ua aposta de feturo .
-Nuno Rodrigues Paulo, mestre en pordutos deribados de ourige bobina, adeministrador de la Copratiba Agropecuária Mirandesa, que falou subre a mirandesa i ls sous pordutos .
