A seguir al Natal era yá questume nun trabalhar. Para alhá de ls dies nomeados, habie muitos outros an que nun se trabalhaba. Por muito que se querga anganhar la giente, cada beç mais se iba caminando para un anganhar l stado. Porqui nun era bien assi porque esso de dies sien trabalhar era cousa para ls outros.
Habituados a trabalhar, la eiquipa de la cámara que stá an Sendin, tamien hoije segunda feira de Natal stan a trabalhar cumo podeis ber ne ls retratos. Ye an Atanor, que hai que amponer bien la tierra de l solar de ls burros de raça mirandesa.
L presidente de la Junta tamien stá a acumpanhar las obras i bien cuntento debe de star de ber que antes de l fin de l’anho la antrada de la aldé deixará de ser ua lhagona an dies de chuba.
