Die 8 de Janeiro, a las 11 de la manhana, D. José Cordeiro stará persente na Sé de Miranda de l Douro pa dezir la missa, juntamente cun l senhor Cónego Paulo Pires i l senhor padre Marcos. Las Scuolas de Miranda tamien se ban ajuntar a esta cerimónia relegiosa, prencipalmente na boç de l coro de ls alunos de la Eb.1 de Miranda, ansaiados pul sou mestre Paulo Meirinhos. Las leituras, tanto la purmeira cumo la segunda, seran lidas an mirandés puls alunos de lhéngua i cultura mirandesa. L eibangeilho, a cargo de l cónego Paulo Pires, tamien será lido an mirandés. Cuido que Dius i ls homes daprendírun muito estes anhos i tamien les gustará a eilhes quien fale an mirandés. Por outra bia, nunca ye demais haber puias nuobas nua eigreija que anfertunadamente cada beç menos mocidade ajunta. Bien haia D. José Cordeiro por esta abertura que la eigreija dou al mirandés, que nun se canse. Se andubirdes por Miranda neste deimingo, aparecei.
(Duarte Martins, porsor de mirandés)
