MISSA DE REIS
L Bispo de la Diocese de Bragança-Miranda, D.José Cordeiro, celebrou la missa de la Epifanie de l Senhor, na Sé de Miranda de l Douro e pula purmeira beç las lheituras fúrun an mirandés. L mirandés yá ye tamien la lhéngua de la relegion na tierras de Miranda.
Ls ninos de l coro de Miranda cantórun tamien las cantigas deste tiempo i alguas tamien an mirandés.
Ne l fin de la missa houbo la procisson de l Nino, cun l’andor de l Nino Jasus de la Cartolica bestido a rigor i cun la capa de honras mirandesa.
Este fui mais un die special i que quedará para la stória de la diocese i de Miranda, pus fui la purmeira beç que las leituras fúrun na lhengua mirandesa.
