Quando todo mundo anuncia crise i nun faç mais nada que andar a la porcura de subsídios, para resolber ls porblemas, hai ls que ban porcurando bibir i ancuntrar modos de aguantar ls tiempos deficeles por que passamos. Mas quien repara nessas cousas?
Nun ye este l sitio próprio para scutir eiconomie cun tantos comentadores i antedidos que por ende hai als muntones, mas seriemos capazes de dezir algo melhor.
Estas son facas feitas an Sendin
Las pequeinhas i médias ampresas son la base de la eiconomie mundial. La maiorie de la giente bibe de l trabalho i de la einiciatiba deilhes, mas nun mos damos cuonta de l que se passa acerca de nós i solo funcionamos tal qual l que dízen las telbisones. Hai que pensar que l mundo somos nós quien l fazemos, todos ls dies, cun la nuossa atitude.
Torrão daprendiu a temprar bien las facas
Muitos cuidarán que nun puode ir mui loinje, porque solo pénsan an grandes ganhos, mas se pensar-mos ne l die a die, se calhar stá a resolber un porblema i sien percisar de grandes bantaiges. Ye un artesano i un artista i ye pena que ls sendineses nun den balor a l que el faç.
obras d'arte
Nun ye solo an Palaçuolo que se fázen facas i outros artimanhos de fierro, tamien el ls faç i cun culidade.
A acabar de porparar ua faca
L HOIJE fui a ber onde trabalha i l que faç i quedemos ademirados.
Cun la hablidade i sabedorie que daprendiu para temprar l fierro, faç facas que yá ténen fama por todo l çtrito i que speramos baia muito mais loinje. Tengo un trabalho porparado que será dado a coincer lougo que possible.
Ua faca pronta
Mas tamien faç bino i de buona culidade, mas queda para outro die falar subre esso, agora deixo-bos l retrato de parte de l dega del.
L dega del
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
