Tamien l HOIJE bos bai a dar las perbisones para l anho de 2009 i para todos ls signos. Hoije para ls purmeiros seis i manhana para ls outros, mas nun bos acraditeis muito, porque la bida demuda tan debrebe que l que hoije parece, manhana yá nun acuntece .
CARNEIRO
A este signo tocou-le la carta que mostra que todos ls caminos de l passado serán reabaliados i nuobos caminos se abrirán, se l merecierdes. Ye la carta de la cura i de la renuobaçon. Ne l amor haberá eiquelíbrio i respeito.
TOURO
Para l touro saliu la carta de la ruoda i cumo roda sien parar, tanto para l bien cumo para l mal, la sue fuorça lebará para acuntecimientos einebitábles, ye la ruoda de ls ganhos i de las perdas. Mas tenerá que ser bista cun outimismo yá que pormete cousas nuobas ne l amor i ne l’amprego.
MIELGOS
La buossa carta repersenta apoio, porteçon i sensiblidade por esso recebereis einergie i poder. Será un anho de ambiçon i porbeito de bienes materiales, mas teneis que tener cuidado cun ls bienes spirituales.
CANGAREIJO
Ls carangueijos tenerán einiciatiba, la sue carta ye la de las cousas práticas i de la fertelidade. Ye la carta de la eibuoloçon i trai siempre porgresso personal i porfissional, faborecendo tamien las biaijes i las comunicaçones. Pormete carino i cumprension.
LEON
La carta de l leon trai ajuda para ls momientos malos i será siempre ua barreira contra las cartas malas. Debeis eibitar la ambeija i la çcunfiança para recebirdes las buonas ajudas de la buossa carta. Ami(g)os berdadeiros ou un amor anti(g)o poderán aparcer de repente.
BIRGE
Ls deste signo son ls mais afortunados yá que l tocou la melhor carta. Tenereis sucesso, realizaçones personales, biaijes, cunhecimento i felcidade.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
