Argozelo – 3
Sendin - 0
L Sendin fui a Argozelo para mais ua jornada de l campeonato, onde perdiu cun la eiquipa local por trés bolas a zero. Anfeliçmente este anho l campeonato ten corrida mal, mas la berdade ye que l resultado fui mui pesado para aqueilho que se passou en campo.
L Sendin dominaba ne l meio campo
L Argozelo en deficuldades
L Sendin dominou la purmeira parte quaije toda i solo a cinco minutos de l anterbalo l Argozelo marca l purmeiro golo, cun un penalte assinalado pul árbito oussiliar, mal marcado, yá que nun eigistiu cuntato antre ls jogadores. L antervalo chegou cun un resultado anjusto para l Sendin.
Nun contra-ataque l Argozelo faç 2-0
La segunda parte ampeçou quaije cumo la purmeira, cun l Sendin a dominar, mas desta beç l Argozelo marca un golo passados apenas cinco minutos de l einicio de la segunda parte, a partir de un canto, cun algua anfelecidade de l guarda redes de l Sendin.
Apuis de 2-0 l Argozelo dominou l jogo
Dalhi para lantre l Sendin perdiu-se en campo, zanimou i até aol final de la partida pouco mais fizo que correr atrás de la bola, mas sien cunstruir peligro para l Argozelo. Ne l último minuto, nun contra-ataque l Argozelo faç l resultado de trés - zero, resultado nun stá d’acordo cun l que se passou en campo.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
