Muitas son las nuobas que se dan nas telbisones i la maiorie deilhas solo ténen a ber cun cousas que pouco mos puoden anteressar, a nun ser para l diçque, diçque, porque sáben que a la giente gústan-le essas cousas porque fúrun durante anhos lebadas a séren assi i ls que mais fazírun por que assi fusse, son ls que agora se admíran i bótan las manos a la cabeça.
Çamora (Zamora.es)
La nuoba d’hoije ten a ber cun la Cimeira Eibérica que se fizo an Çamora i an que stubírun ls gobernos de Pertual i Spanha. Subre la nuossa region diç-se que pouco se fizo ou pul menos nun se dórun a coincer las berdadeiras cousas amportantes que se tratórun alhá. Mas ls acordos éran subre cousas amportantes para Pertual i Spanha nas zonas frunteiriças.
Salamanca (Salamanca.com)
Ls acordos subre la salude fúrun ls mais amportantes, mas dében ser melhor splicados a la giente. Las ambuláncias podéren andar 15km drento de l outro paiç yá ye ua cousa buona, mas l percipal ye saber se quando hai ua situaçon grabe ou serbícios que inda nun tenemos, se puode ir a Çamora ou Salamanca.
Bergancia (Bragança.net)
Cun la amplementaçon de la bia berde para l AVC an Bergáncia, yá nun haberá tanta necidade. Mas muitas outras cousas deberíen tener sido acordadas ,cumo la ligaçon del IC5 a Spanha i ua politica comum de zambuolbimiento de ls pobos de la raia.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
