L campo de l G.D.S. ten tenido ua serbentie que nin muitos campos de las grandes cidades ténen. Ye l Çportibo Mirandés que joga alhá para l Çtrital de Futebol i ye l nuosso Grupo Çportibo. Mas son tamien las eiquipas de ls moços, porque hai tamien formaçon çportiba, cun l’ajuda de la Câmara.
Las eiquipas a camino de l campo
L jogo
Hoije jogórun ls einiciados para l campeonato çtrital i ganhórun por 3-1 al Alfandega. Todos ls Sábados i Demingos hai jogos. Son las eiquipas seniores de l Mirandés i del Sendin, son las scuolas, ls einiciados, ls jubeniles i inda las eiquipas que jógan ne l campo mais pequeinho, para l FUTSAL i ls outros jogos.
Ls moços ténen pinta
Jogada de peligro acontra l Alfandega
La alegrie de marcar un golo
Cumo podeis ber, hai muita atibidade i muito moço i moça que pratícan çporto, an Sendin. Nun ye cumo dízen ls que solo se ampórtan cun eilhes mesmos i que nin se dan cunta de l que bai pul mundo. Sendin nun ten nada, nun ten garotos, nun hai giente, sei alhá l que dízen.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
