Fizo-se hoije l jantar de ls sendineses an Bergáncia onde stubírun acerca de 70 sendineses i sendinesas, que cumbibírun nun jantar ne l restourante de un jogador de l G.D. de Sendin i que ultimamente ten ourientado tamien la eiquipa, zde que saliu l treinador.
Tamien houbo houmor
L G.D. de Sendin ten criado muita amizade por tierras de Bergáncia, sendo muitos ls que gústan de Sendin i de ls sendineses. L jantar fui bien serbido i ne l fin houbo cumbíbio, cun ls sendineses a amostrar que sáben tocar tamien la gaita de foles i dançar ls palos.
Ls tocadores
L cumbibio
Estes jantares ténen ua grande birtude yá ajúntan ls sendineses que stan fuora a lembrar las sues raízes i a cumbibíren, cousa que cada beç bai faltando mais. La tradiçon de ls sendineses se ajuntáren ye yá ua realidade por bárias tierras i son siempre dezenas de sendineses que se ajúntan ne l Porto, an Lisboua i an Bergáncia.
L jantar
Stou mesmo a oubir ls que stubírun ne l jantar de l Porto a perguntar por ls retratos de l sou jantar. L HOIJE nun puode star an todo lado, mas piede para l mandáren ls retratos, mas inda stá a la spera de ls que tirórun ne l Porto.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
