Sendin tubo siempre ua grande tradiçon ne l triato rural i zde l percípio de l séclo XX que hai amboras desso. “L triato rural fui durante quaije meia dúzia de séclos l grande anstrumento de cultura, ansino i daprendizage bíblica, hagiográfica, cabalheiresca, debertida, moralista ou jocosa” – (António Maria Mourinho).
L cenário
Ls pastoricos
Muitos fúrun ls quelóquios que se fazírun i l nome de muitas pessonas quedou na stória de l nuosso triato rural, cumo Manuel Conde Pino, José Inácio Peres, João da Cruz Mourinho, Manuel Miguelito, todos de Sendin i de ls anhos 20/30 de l séclo XX, mas muitos mais cuntinórun até als nuossos dies, la arte de representar.
Dun lado rezaba-se l terço
De l’outro fazie-se la representaçon
Tamien ne l die 31 a la tardechica i para ancerrar l més de l rosáiro, por einiciatiba de Paulina Esteves i cun la colaboraçon de muita giente, se fizo un triato ou quelóquio – las apariçones de Fátima -. Fui un berdadeiro triato rural que ancantou todos ls que assistírun.
La apariçon de Nuossa Senhora
La apariçon de l Anjo als pastoricos
Son atos destes, nacidos de l pobo i para l pobo, que amóstran la nuossa berdadeira cultura porque nada mais porcúran que séren semientes de ourbanidade i amor por la nuossa tierra.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
