La compratiba ten cuntrato cun ua ampresa de prestaçon de serbicios de sigurancia i salude ne l trabalho, para que todos ls trabalhadores de la compratiba i ls diretores que l quérgan, podéren tener un apoio ne l cuntrolo de las malinas, fazendo eisames médicos todos ls anhos.
La ounidade moble
La ampresa trai ua ounidade moble a la compratiba adonde faç ls eisames médicos. Muitos trabalhadores andebiduales i pequeinhas ampresas aporbéitan para fazéren tamien ls eisames médicos a que son oubri(g)ados por lei. Ye cun este cumbinar de açones que se cunsíguen reduzir ls custos i melhorar l serbicio.
Nestes dies hai siempre muito mobimiento
Para alhá de la cunsulta médica, son feitas análezes a la ourina i al sangre para cuntrolo de las malinas mais quemunes, assi cumo un eletrocardiograma. Siempre que se justefique son mandados fazer eisames cumplementares.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
