La bila, die a die

La Jinela

La jinela por adonde se bei la bila — quaije ua retrato por die, todo l anho de 2007, i l que la quemunidade fui ajuntando drento.

2830 antradas · 2830 de Carlos Ferreira · 1905–2026

“Todo mui bien ourganizado...”
Carlos Ferreira, 2009

Data inicial Data final

▦ Grelha ⟋ Linha temporal ▤ Calendário ☰ Lista

↑ mais antigas ↓ mais recentes

2830 resultados

Utimamente ando birado para pormenores. Mirai ls tonantes cumo apedúran ls poucos dies que le quédan antes de… — Utimamente ando birado para pormenores. Mirai ls tonantes cumo apedúran ls poucos dies que le quédan antes de las giladas. carlosferreira · 05/11/2005

I por fin l rieiro de las Uolgas deixaba correr la sue auga de risa subre l sou fondo de cascalheira labada. — I por fin l rieiro de las Uolgas deixaba correr la sue auga de risa subre l sou fondo de cascalheira labada. carlosferreira · 06/11/2005

Cumo naide le ligaba, ls burros yá fartos de la yerba de l prado, quieren tamien un retrato! — Cumo naide le ligaba, ls burros yá fartos de la yerba de l prado, quieren tamien un retrato! carlosferreira · 06/11/2005

Ls caçadores qu’agarrórun caldeira a la purmanhana, querien tentar la suorte bintura durante la tarde. — Ls caçadores qu’agarrórun caldeira a la purmanhana, querien tentar la suorte bintura durante la tarde. carlosferreira · 06/11/2005

Armandino splicaba al mais nuobos l segredo para agarrar coneilhos. Mas Zé Lemos diç: “you agora solo de… — Armandino splicaba al mais nuobos l segredo para agarrar coneilhos. Mas Zé Lemos diç: “you agora solo de cochino muntés para riba, senó nun atiro”! carlosferreira · 06/11/2005

Jesé Almendra ousmaba l tipo de puonte que bamos a fazer antre l Picon de ls Arteiros i la Faia Bintureira… — Jesé Almendra ousmaba l tipo de puonte que bamos a fazer antre l Picon de ls Arteiros i la Faia Bintureira ... “ten que ser ua puonte antegrada na paisaige”, dezie, “anton apuis ye que Sendin boba faramalha”... carlosferreira · 06/11/2005

L duonho amostraba als outros las áfricas que l sou perro sabie fazer: “Fui you que le ansinei todo”... — L duonho amostraba als outros las áfricas que l sou perro sabie fazer: “Fui you que le ansinei todo”... carlosferreira · 06/11/2005

Apuis cula barriga chena l Persidente i Jesé Ourdenança ousmában l carreiron de las arribas pa ls lados de l… — Apuis cula barriga chena l Persidente i Jesé Ourdenança ousmában l carreiron de las arribas pa ls lados de l Corço. carlosferreira · 06/11/2005

L guisado staba tan buono, tan buono! I l molho?... — L guisado staba tan buono, tan buono! I l molho?... carlosferreira · 06/11/2005

To l mundo comie, naide falaba! I you benga retratos para bós... — To l mundo comie, naide falaba! I you benga retratos para bós... carlosferreira · 06/11/2005

Hoije staba un Demingo de l Berano de San Martino mui galano. Ls caçadores fúrun a caça i apuis Moreira… — Hoije staba un Demingo de l Berano de San Martino mui galano. Ls caçadores fúrun a caça i apuis Moreira andonou un guisote i fumos a almorçar pa ls lados de l Boubielho. Quedais ambejosos? Normal! Até you quedaba! carlosferreira · 06/11/2005

I apuis de la lana filada, inda las mesmas manos, ban a fazer uns miotes para calcer ls pies, para quando yá… — I apuis de la lana filada, inda las mesmas manos, ban a fazer uns miotes para calcer ls pies, para quando yá nun haba sol. carlosferreira · 07/11/2005

Apuis estas mesmas manos filaran la lana... — Apuis estas mesmas manos filaran la lana... carlosferreira · 07/11/2005

Mirai estas manos calientes cumo carbénan lana... — Mirai estas manos calientes cumo carbénan lana... carlosferreira · 07/11/2005

Mirai l perro cumo inda bota la léngua fuora... — Mirai l perro cumo inda bota la léngua fuora... carlosferreira · 07/11/2005

Mirai cumo tiu Chico Fonso queda atento a las moscas que l quieren zafiar i roubar l sou sol... — Mirai cumo tiu Chico Fonso queda atento a las moscas que l quieren zafiar i roubar l sou sol... carlosferreira · 07/11/2005

Mirai para estas calabacicas cun mil ganas de se ponéren amarielhas... — Mirai para estas calabacicas cun mil ganas de se ponéren amarielhas... carlosferreira · 07/11/2005

Apuis de las nuozes tenéren tirado la camisa i dado ua chimpa de l’altura dua noeira, mirai estas yerbicas… — Apuis de las nuozes tenéren tirado la camisa i dado ua chimpa de l’altura dua noeira, mirai estas yerbicas cumo se regálan a medrar... al sol, cul sol. carlosferreira · 07/11/2005

Hoije faç un daqueilhes soles de l Berano de San Martino! Que regalo! Bicho ó planta, to l mundo quier tirar… — Hoije faç un daqueilhes soles de l Berano de San Martino! Que regalo! Bicho ó planta, to l mundo quier tirar porbeito de la calor deste dius. Mirai esta frol que naciu de ls paralelos de la rue! Mirai cumo se cunsola a fazer selombra acontra la parede! carlosferreira · 07/11/2005

Apuis ampeçou a chober i l canhiço de l portielho cerrou-me l’eimaginaçon. — Apuis ampeçou a chober i l canhiço de l portielho cerrou-me l’eimaginaçon. carlosferreira · 08/11/2005

Cumpletamente andiferentes a la nuite que s’iba achegando a eilhas, las oubeilhas remetien la cabeça acontra… — Cumpletamente andiferentes a la nuite que s’iba achegando a eilhas, las oubeilhas remetien la cabeça acontra la yerba i nin de lobos tenien miedo... carlosferreira · 08/11/2005

L’auga de la charca spelhaba las nubres i mataba la sede d’anchenas.... — L’auga de la charca spelhaba las nubres i mataba la sede d’anchenas.... carlosferreira · 08/11/2005

Inda mansico, l rieiro yá corrie por baixo de l punton de la parede... — Inda mansico, l rieiro yá corrie por baixo de l punton de la parede... carlosferreira · 08/11/2005

Quando las selombras yá tenien medrado quaije qu’até zaparecer i, la nuite se zgrilaba, abri la jinela, alhi… — Quando las selombras yá tenien medrado quaije qu’até zaparecer i, la nuite se zgrilaba, abri la jinela, alhi mesmo: saliu-me ua canhiça i un cerrado de Fuonte Aldé cun freznos... berdes, castanhos i cinzentos... ancantos de cuontas d’ancantar! carlosferreira · 08/11/2005

Ação concluída.