amadeu · 28/10/2007

Eisercício 008. Ampeçar IV. Resoluçon

Acabei por me atrasar an poner la resoluçon an relaçoin al die atrasado, mas eiqui queda. Las repuostas stan buonas i algues até stan mui buonas. Ye pena que nun béngan mais alunos nuobos a deixar eiqui las sues repuostas. Mas seia bien benido quien ben i nun ten miedo de daprender.

Chamo l'atençon pa la defréncia antre ls berbos chober i chubir: chober ten ditongo creciente an alguns tiempos; chubir [subir] nunca ten ditongo creciente.

1. Chuobe (chober) ua auga mui frie que me chube (chubir) pula spina arriba.

2. La mano ye pequeinha, mas sabe screbir bien.

3. Bamos que l tiempo passa lhougo i nós cun el.

4. L mirandés ye ua lhéngua oufecial.

5. Nun te queda bien salir de casa tan cedo.

6. Yá la fuonte se secou i las funtaninas árden cul sol de l die.

7. Bun die, yá cheguei.

8. L’eigreija ten ls campanas de bronze.

9. Stamos ne l més de Outubre i ye outonho.

10. El nun mos trouxo nada, mas lhebou-mos todo.

27 de Outubre de 2007

Amadeu Ferreira