015 – Un cachico de l’abintura de - Asterix l Goulés
2giga · 22 de márcio de 2007 · Curso de lhéngua mirandesa (1º Anho)
015 – Un cachico de l’abintura de «Asterix l Goulés»
- Yá bolbiste, Asterix... Trais amboras?
- Nó...
- Ah! Si... scalabacei quatro romanos...
- Boh!?
- Benes a comer l cochino muntés cumigo?
- Yá bou. Inda tengo d’antregar dous menhires...
- Entra, Oubelix. L assado stá pronto!...
- Menham! Menham! Asterix!...
- Ls romanos ban a quedar anrabiados i ban-mos atacar outra beç...
- Bah!
- Anquanto Panoramix, l nuosso druida, fur porparando la pocion mágica, nun haberá romanos que puodan cun nós!...
- A porpósito, bamos alhá a ber-lo!...
- El debe de star ne l meio de la rama a apanhar bizgo cul sou foucin d’ouro.
- Panoramix! Ah Panoramix!!!
- Uiii!
- Assusteste-me i cortei-me cul foucin!
- Çculpa...
- Hoije perciso de la mie racion de pocion mágica...
- Stá bien...
- Beni até mie casa...
- Eiqui stá la pocion que faç las pessonas ambencibles! La pocion que, por un bun rato, oumenta las fuorças a quien la bebe.
- Qual ye la receita desta pocion, ah druida?
- L’ourige desta receita yá ben d’antigamente i solo puode ser çcubierta a outro druida...
- ... Solo bos puodo dezir que ten cangareijo i bizgo...
- L cangareijo nun faç falta, mas assi la mistela sabe melhor!
- Puodo buer un sorbico?
- Nó, Oubelix, nó!... I tu bien sabes porquei!
- Quando eras ninico caíste andrento de l caldeiron. Zdende tenes siempre l eifeito de la pocion mágica; se buiras mais podie ser peligroso!...
- Dius bos l pague, ah druida!
- Por Belenos, nun ye justo!
- Ui! Ui! Ui!
- Yá te dixe para nun m’apertares la mano apuis de haberes buído la pocion!
- Tenes rezon! Nin se me lhembra la mie fuorça!...
