016 – Un cachico de l’abintura d’Asterix, L Galaton
2giga · 15 de abril de 2007 · Curso de lhéngua mirandesa (1º Anho)
- Nua cierta parte de la Gália, todo parece sereno nua pequeinha aldé aparecida a la d’Asterix...
- ... nun se dira l causo de alhá se passáren cousas stranhas. Ende, un galaton racha-la al meio nun deixando que ua metade passe pa l’outra.
- ZIRRIX fui scolhido cumo xefe pula metade de l’aldé que queda a la mano squierda...
- Anque ls que quédan a la face nun téngan la mesma eideia, you sou l xefe ancuntestado de l’aldé!
- APARTADORIX fui scolhido cumo xefe pula metade de l’aldé que queda a la mano dreita.
- L’aldé sou you!
- Na cabanha de l xefe Zirrix...
- Mirai bien, á pai! Las cousas nun puoden cuntinar assi; este galaton ye la bergonha de la nuossa aldé!
- Pimponix, miu rapaç! I la culpa ye mie? Esse maltraste de l Apartadorix mercou zabergonhadamente alguns eileitores pa le arrebanhar ls botos!
- Cun ajudas de l sou alcabuete, esse çprézio de l Facanhix, até fui al punto de poner a botar por el ls aldeanos que inda máman la teta!
- La giente dun die de manhana que mos julgar bai a tener ua eideia bien mala de ls sous antrepassados!
- Stá bien, pai, teneis ua seluçon para aperponer?
- Tengo, miu rapaç ! Resolbi fazé-le ua prática als moradores daquel lhado i mira que porparei un çcursico de trás l’oureilha. Apartadorix bai a meter l rabo antre las piernas!
- I na cabanha de l xefe Apartadorix...
- Á pai, lhembrai-bos bien cumo l’aldé era feliç ne l tiempo de l nuosso xefe único, Atafanhadix!
- Tu bien falas! Esse bielho falseiro de l Atafanhadix, que abafaba l que le benie a la mano, scapou-se pula calhada (de la nuite) cun toda la décima de l’aldé!
- Mas bendo bien, l antuante de todo fui esse maltraste de l Apartadorix, que roubou ls botos que éran mius por dreito.
- El até le pormetiu als sous eileitores S.M.G., Sestércio Mínimo Garantido! Isso nun quier dezir nada, mas aqueilhes tapados angulhírun-la!
- Pendina ten rezon! Fai falta haber un solo maioral n’aldé i tu tenes de le dezir als daquel lhado, i probá-le-lo, que tu sós esse maioral!
- Essa tue cachimónia de sardina scochada ye de bun cunseilho, á Facanhix! Bou-le a botar uns palabrouços!
