Soutro die iba al Pilo cun la antención de bos mostrar l que you cuido que ye ua anta ou dólmen.
Ua anta?
Parcer parece, mas solo ls arqueólogos l puoden dezir. Yá muito tiempo que dei la nuoba para studáren l sitio, mas naide fizo caso. Nin sequiera l Pe. Mourinho.
Ua anta ou dólmen ye ua spultura pré-stórica, formada por grandes piedras que cubrien l sitio adonde spultában ls muortos.
L nome de l sitio – Pilo- puode querer dezir - Pio- (santo), mas tamien puode querer dezir outra cousa. Nun ye eiqui que se bai a scutir esso, mas a dar la nuoba para que ls arqueólogos míren para esto i fágan algue cousa.
Bista de outro lado
Sendin ten muito sitio para studar i que poderien ser aporbeitados para l turismo.
“Hoije, an sendin i arredores” ten que ser un lugar onde se mostre todo l que ten anteresse para Sendin i un lugar onde ls sendineses apréndan la nuossa stória i la nuossa léngua.
Esta piedra nun aparciu assi por acaso
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
