QUIEN SE LEMBRA ?
Las casas antigas poderien nun tener las cundiçones de habitabelidade de las d’hoije, mas ls tiempos éran outros. La sue arquitetura era an muitos casos linda de se ber.
Inda hoije hai quien las recupere mantenendo la parte de fuora i fazendo an drento las modificaçones cunsante la bida d’agora.
Esta era ne l Canzielho
Yá nun eisiste, mas queda l retrato para la lembrar. Mas inda hai estas bin cerca i que ténen tamien l sou ancanto.
Costruçion cun baranda de fierro
Costruçion de piedra
Nun ye fácele saber onde queda esta. Yá la pus d’apropósito.
Era buono que ls nuossos arquitetos fazíssen un trabalho subre la costruçion de las casas an Sendin al longo de ls anhos. Quedaba un trabalho anteressante i que serbirie cumo decumento stórico.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
